Kryetari i Komitetit për Punë të Jashtme në Bundestagun gjerman, Michael Roth, ka adresuar kritika në drejtim të Shteteve të Bashkuara të Amerikës duke thënë se po i vendos ekstra kritere Kosovës për t’u anëtarësuar në Këshillin e Europës, dhe shton se kjo qasje e pabalancuar ndaj Kosovës duhet të përfundojë.
“Është krejtësisht e pakuptueshme që SHBA vendos ekstra kushte për anëtarësimin e Kosovës në Këshillin e Europës. Kjo qasje e pabalancuar nga SHBA-ja drejt Kosovës duhet përfundimisht të përfundojë. S’është fer dhe është e padrejtë. Këshilli i Europës dhe shtetet anëtare ulën në ulësen e shoferit – jo SHBA”.
Roth shkroi në X derisa rishpërndau një postim një kolegu të tij të Bundestagut, Frank Schwabe, që gjithashtu komentoi deklaratat e emisarit amerikan, Gabriel Escobar, i cili tha se përveç vendimit për Manastirin e Deçanit, Kosova duhet të plotësojë edhe dy kushte, përfshirë Asociacionin.
“Me gjithë respektin për të dërguarin special të SHBA-së për Ballkanin Perëndimor, Gabriel Escobar, Këshilli i Europës po bën të mundur gjëra që të tjerët nuk mund t’i arrinin. Dhe ne do të vendosim për aplikimin e Kosovës për anëtarësim në bazë të rregullave dhe vlerave tona”, kishte shkruar Schwabe.
