Gjatë ditës së djeshme, kryetari i Komunës së Istogut Ilir Ferati së bashku me Komandantin e Komandës Rajonale Perëndim të KFOR-it, Kolonelin Francesco Ferrara kanë bërë përurimin e punimeve të projektit “Hapja e Kanalit Vërshues në Vrellë”.
Sipas njoftimit të Komunës, me këtë rast kryetari Ferati ka falënderuar Kolonelin Ferrara dhe KFOR-in italian për punimet e kryera në këtë pjesë të fshatit, e cila, në kohën e vërshimeve të vitit të kaluar, kishe shkaktuar dëme të konsiderueshme në bujqësi dhe ekonomi familjare.
Ndërsa Koloneli Francesco Ferrara ka falënderuar Komunën për bashkëpunimin dhe tha se: “Këto punime janë bërë falë bashkëpunimit tonë të mirë dhe për të mirën e qytetarëve të Vrellës dhe Istogut në përgjithësi”.
Kujtojmë se punimet e këtij projekt janë kryer nga KFORi-Italian.
