Leny Yoro është një sensacion në Ligue 1 dhe ai është duke shkëlqyer në qendër të mbrojtjes te skuadra Lille duke zgjuar interesimin e skuadrave të mëdha.
Real Madridi mbetet favoriti kryesor për t’i siguruar shërbimet e qendërmbrojtësit francez, por problemi mbetet tek çmimi i tij shumë i lartë
Skuadra franceze synon të fitoj rreth 80 milionë euro nga shitja e talentit të madh, por ka një mundësi që ky çmim të jetë më i ulët
Bordi i Lille do të ishte i gatshëm të ulë çmimin e Leny Yoro nëse Real Madrid përfshin huazimin e Arda Güler në ofertën e tij.
Sigurisht, francezët duken të hapur ndaj një formule që do ta ulte ndjeshëm këtë shifër. Sipas Defensa Central, Lille do të ishin të gatshëm të ulin kërkesat e tyre nëse Los Blancos pranojnë të përfshijnë në marrëveshje huazimin e turkut Arda Güler për një ose dy sezone.
Megjithatë ende nuk dihet nëse Arda Guler do të mbetet apo do të largohet nga Real Madridi gjatë verës.
Ylli turk përkundër minutave të kufizuara me fanellën e Los Blancos, qëllimi i tij është të mbetet te Reali edhe pse klubi ende nuk ka marrë vendim nëse do ta largojë atë në huazim.
