Spanjolli Carlos Sainz fitoi përballë shokut të tij të skuadrës në Ferrari, Monegask Charles Leclerc, Çmimin e Madh të Australisë, raundin e 3-të të sezonit të Formula 1, gjatë të cilit mjeshtri i qarqeve Max Verstappen u detyrua te tërhiqet.
Pista Albert Park, në zemër të Melburnit, nuk ishte pra skena e fitores së dhjetë radhazi GP për “Mad Max”: për herë të parë që nga prilli 2022, pikërisht këtu në Australi, lideri i kampionatit botëror duhej të tërhiqej për shkak të një problemi me frenat në RB20 e tij.
Pasi fitoi lehtësisht në dy raundet e para të sezonit, në Bahrein dhe Arabinë Saudite, holandezi shënoi polen e tij të 35-të në F1 të shtunën gjatë kualifikimeve. Dhe logjikisht ai mund të shpresonte të barazonte rekordin e tij prej 10 fitoresh radhazi, të vendosur sezonin e kaluar duke mposhtur atë të gjermanit Sebastian Vettel (9 fitore radhazi në 2013).
Kampioni në largim u parakalua nga Sainz në xhiron e dytë, përpara se t’i sinjalizonte ekipit të tij pak çaste më vonë se nga makina e tij po dilte “tym blu”. “Sapo u fikën dritat, freni i djathtë u bllokua” shpjegoi më pas “Mad Max”.
Carlos Sainz, qe mezi u shërua nga operacioni i apendiksit 15 ditë më parë, nuk u drodh dhe fitoi në Australi fitoren e 3-të në F1, pas Singaporit në 2023 dhe Silverstone në 2022.
“Ishte një garë shumë e mirë, fizikisht nuk ishte më e lehta, por isha kryesisht vetëm, kështu që munda të menaxhoja ritmin, të menaxhoja gomat,” reagoi spanjolli në fund, i cili për këtë arsye gjeti vendin e tij këtë fundjavë./Informim
