Një urë në Baltimore është shembur pasi një anije është përplasur me të, duke shkaktuar dëme të konsiderueshme, sipas raportimeve në mediat sociale.
Ngjarja ka ndodhur rreth orës 01:30 (me orën lokale). Përplasja shkaktoi një zjarr dhe më pas një pjesë e madhe e urës Francis Scott Key në Baltimore, Maryland u shemb. Automjetet kanë rënë në ujë.
Anija që u përplas në urë quhet Deli, ka një flamur të Singaporit dhe mbante kontejnerë.
“Anija me kontejnerë goditi urën Key në Baltimore. Një pjesë e urës është shembur. Disa anije zjarrfikëse dhe policie janë në rrugën e tyre”, tha operatori i anijes Andreë Doyle.
Burimet zyrtare nuk e kanë konfirmuar ende shembjen, por roja bregdetare amerikane ka konfirmuar se një anije me kontejnerë goditi urën. Reaguesit e parë besohet se po përgatiten për një incident masiv me viktima.
Trafiku në urën, e cila është pjesë e Interstate 695, u mbyll në të gjitha drejtimet.