Jose Mourinho është supozuar të zëvendësojë Eddie Howe në Newcastle United nga ish-trajneri i tyre, Sam Allardyce.
Trajneri portugez është në kërkim të punës së tij të radhës pasi u shkarkua nga Roma në muajin janar
Mourinho ka qenë i lidhur me marrjen e një pune në Arabinë Saudite , pasi ka takuar një nga shefat e tyre kryesorë javën e kaluar, ndërsa shikonte fitoren e Anthony Joshuas në boks ndaj Francis Ngannou.
Por, thuhet se ai dëshiron një tjetër klub të madh në Evropë dhe Newcastle është paralajmëruar të bëjë një lëvizje këtë verë pas një sezoni zhgënjyes me Howe.
Ish-trajneri i Bournemouth e udhëhoqi ‘Laraskat’ drejt kualifikimin në Ligën e Kampionëve sezonin e kaluar, por u eliminuan nga gara në fazën e grupeve
Newcastle aktualisht është në vendin e 10-të në ligë, 16 pikë larg katërshes së parë dhe Howe duket se rrezikon seriozisht largimin nga stoli.
Trajneri i njohur, Allardyce beson se puna në Newcastle është e Mourinhos, nëse ai dhe pronarët sauditë të klubit – duan që të jetë.
Duke u shfaqur në podcastin ‘No Tippy Tappy Football’, Allardyce diskutoi një rikthim të mundshëm të Mourinhos në Ligën Premier.
Ky do të ishte një rikthim për portugezin në Ligën Premier, pasi tashmë ka drejtuar Chelsean, Manchester Unitedin dhe Tottenham Hotspur.
