Një seri sulmesh ajrore izraelite që synojnë zonat afër qytetit sirian të Alepos të premten kanë çuar në viktima si në civilë ashtu edhe në personelin ushtarak, sipas agjencisë shtetërore siriane të lajmeve SANA.
38 persona u vranë, duke përfshirë pesë anëtarë të grupit të armatosur libanez Hezbollah, sipas raportimeve të Reuters.
Një nga luftëtarët e Hezbollahut ishte një komandant lokal në terren, vëllai i të cilit u vra në një sulm izraelit në Libanin jugor në nëntor.
Kjo i bën sulmet disa nga më vdekjeprurësit që kur Izraeli intensifikoi fushatën e tij ushtarake kundër grupeve të mbështetura nga Irani në Siri dhe të tjera vitin e kaluar.
Avionët luftarakë izraelitë filluan një sulm rreth orës 1:45 të mëngjesit me orën lokale nga drejtimi i Athriya, në juglindje të Alepos, sipas një burimi ushtarak të cituar nga SANA.
Forcat e Mbrojtjes të Izraelit nuk pranuan të komentojnë mbi sulmin, shkruan CNN,
Izraeli ka nisur më parë sulme në Aleppo dhe kryeqytetin sirian Damask, përfshirë para luftës së 7 tetorit, duke thënë se kishte frikë se Irani do ta kthente Sirinë në “një bazë për agresion” kundër shtetit hebre.
