Duke filluar prej sot, e hënë, në Gjermani është autorizuar përdorimi rekreativ i kanabisit.
Republika Federale është bërë kështu vendi më i madh i BE-së që ka legalizuar konsumin e substancës si pjesë e një reforme që ka rritur pritshmëritë dhe frikën.
Prandaj tani është i ligjshem posedimi, konsumimi dhe kultivimi i kanabisit sipas kushteve të përcaktuara me ligj: posedimi individual i 25 gramëve kanabis të tharë është i autorizuar në vende publike, si dhe kultivimi i brendshëm në masën 50 gram dhe 3 bimë.
Pas dekriminalizimit të zbatuar nga Malta në vitin 2021 dhe atij të prezantuar në Luksemburg vitin e kaluar, Gjermania ka një nga ligjet më liberale për këtë temë në nivel evropian.
Për më tepër, qasja ndryshon nga ajo e Holandës, ku konsumi nuk është i ligjshëm, por në fakt tolerohet, veçanërisht në “kafe”.
Në mesnatë, në zemër të Berlinit, pothuajse 1500 njerëz festuan hyrjen në fuqi të rregullave të reja, duke pirë duhan para Portës së Brandenburgut. “Është fundi i kriminalizimit të disa milionë njerëzve në Gjermani”, nënvizoi Torsten Dietrich, një mbështetës i legalizimit prej disa dekadash.
Gjermania është tashmë tregu më i madh evropian për kanabisin mjekësor që kur qeveria legalizoi përdorimin e tij për pacientët në 2017./Informim
