Me anë të një postimi në rrjetet sociale, Komuna e Gjilanit ka bërë të ditur se në vazhdën e përmirësimit të infrastrukturës në fshatrat e Komunës së Gjilanit janë duke u asfaltuar rrugët e fshatit Bilinicë.
“Totali i dhjetë rrugëve që janë duke u asfaltuar në këtë fshat është 2 mijë e 314 metra. Kostoja e këtij projekti kapë shumën prej 64 mijë e 678.92 euro”, thuhet ne njoftim.
Kryetari i Komunës Alban Hyseni, bashkë me drejtorin për Shërbime Publike, Infrastrukturë e Banim, Mentor Mihovcin, kanë parë nga afër punimet e asfaltimit të rrugëve të këtij lokaliteti.
“Po vazhdojmë investimet në infrastrukturën e fshatrave të harruara nga e kaluara” , tha i pari i Gjilanit.
Sipas tij investime jo të pakta po bëhen nga fshatrat drejt qytetit, me qëllim të ngritjes së perspektivës edhe në fshatra.
