Deputeti shqiptar i Kuvendit në Serbi, Shaip Kamberi, pas takimit që pati më emisarin e BE-së, Miroslav Lajçak, ka dalë me një njoftim ku tregoi mbi temat e diskutuara.
Ai tha se me Lajçakun kanë folur për diskriminim e shqiptarëve në Serbi, pasivizimin e adresave, si dhe për çështjen e mosnjohjes së diplomave të Kosovës, raporton Gazeta Express.
“Pata një takim produktiv me Përfaqësuesin Special të BE-së, Miroslav Lajcak, ku diskutuam çështjet e diskriminimit të shqiptarëve në Luginën e Preshevës, që nga mosintegrimi, mosnjohja e diplomave të Kosovës deri te pasivizimi i shqiptarëve në Serbi”.
Kamberi shkroi se rruga drejt BE-së duhet të jetë e vetmja rrugë për të gjithë rajonin, përfshirë edhe Serbinë
“Rruga drejt BE-së duhet të jetë e vetmja rrugë për të gjitha vendet e Ballkanit Perëndimor!”.
https://twitter.com/shkamberi/status/1776227191736377428?ref_src=twsrc%5Etfw%7Ctwcamp%5Etweetembed%7Ctwterm%5E1776227191736377428%7Ctwgr%5Ef7235eba66fd00f97074b6a761fd0a1e85ff8d33%7Ctwcon%5Es1_&ref_url=https%3A%2F%2Fwww.gazetaexpress.com%2Fdiskriminimi-pasivizimi-i-adresave-e-diplomat-shaip-kamberi-del-me-nje-njoftim-pas-takimit-me-lajcakun%2F
