Policia e Kosovës ka njoftuar se në Gjilan janë ndaluar tre shoferë, të cilët kishin ndalesë të drejtimit dhe afat të skaduar të regjistrimit.
Ata janë gjobitur me 500 euro, 5 pikë negative, 6 muaj ndalim të vozitjes dhe i janë konfiskuar automjetet.
Njoftimi i plotë:
Konfiskohen përkohësisht automjetet vozitësit e të cilave drejtonin mjetet e tyre edhe pse e kishte të konfiskuar patentë shoferin si dhe mjeteve qe u kishte skaduar afati i regjistrimit
Gjilan, 11 prill 2024
Njësitet e Trafikut në Drejtorin Rajonale të Policisë në Gjilan gjatë një kontrolli rutinë bazuar në ligjin e ri të trafikut kanë ndalur në tri raste të veçanta automjete me targa vendore dhe gjatë kontrollit është vërtetuar se vozitësit shtetas të Kosovës drejtonin mjetet e tyre edhe pse kishin ndalesë të drejtimit të mjetit si masë mbrojtëse dhe afat të skaduar të regjistrimit.
Të njëjtëve sipas nenit 246 dhe 247 konform ligjit për rregullat në trafikun rrugor 08/L-186 i u është shqiptuar gjoba në vlerë prej pesëqind (500) euro, pesë (5) pikë negative dhe vazhdim i masën së përkohshme të ndalim vozitjes së mjeteve motorike në afat edhe për gjashtë (6) muaj si dhe konfiskim i mjetit, respektivisht për dy kundërvajtje të mjetit të pa regjistruar nga 200 euro.
Drejtoria rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion të njoftojnë Stacionin më të afërm të policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 0385045047001
Të dhënat e juaja do të ruhen ne konfidencialitet të plotë.
