Xhudisti i njohur kosovar, Akil Gjakova dhe gruaja e tij janë në një proces divorci. Fillimisht ndarja ishte kërkuar nga vetë Akili. Por, me një kundër padi është përgjigjur gruaja e tij e cila në atë dokument pos tjerash ka deponuar fakte që pretendojnë se Akil Gjakova ka ushtruar dhunë ndaj saj.
Siç merr vesh Insajderi një muaj më parë kur gjykatësi, Driton Noci ka parë dosjen ka kërkuar që rasti të shkojnë prokurori. Ai e ka dërguar shkresën prokurores Lumturie Hoxha, por që ata nuk e kanë hapur si rast.
Ditën e shtune në mëngjes, siç ka mësuar Insajderi, gruaja e xhudistit së bashku me fëmijën e tyre kanë tentuar të hyjnë në banesë, por ka qenë Akil Gjakova që i ka ndaluar të hyj.
Gruaja e tij pas kësaj, ka ftuar Policinë e Kosovës që të asistojë, për momentin ajo ndodhet në polici duke dhënë dëshminë e saj si viktimë në këtë rast.
