Sekretari Amerikan i Shtetit, Antony Blinken deklaroi për BBC se Shtetet e Bashkuara të Amerikës nuk kanë qenë të përfshira në sulmin që Izraeli kreu ndaj Iranit gjatë mbrëmjes së djeshme.
Teksa tentoi që të shmangte komentin për ngjarjet në Lindjen e Mesme, Blinken u detyrua të përgjigjet duke theksuar se SHBA nuk ka bërë thirrje për sulm ndaj Iranit.
Në përgjigjen të pyetjes se si e karakterizonte gjendjen aktuale të marrëdhënieve SHBA-Izrael, Blinken u shpreh “Jemi të angazhuar rregullisht, pothuajse çdo ditë”.
“Ne jemi të përkushtuar të ndihmojmë Izraelin të mbrohet dhe të marrim pjesë sipas nevojës në mbrojtjen e tij, siç e patë vetëm disa ditë më parë.”- shtoi Blinken duke kujtuar edhe ndihmën e partnerëve për mbrojtjen e Izraelit nga dronët dhe raketat iraniane.
