Deputeti i LVV-së Armend Muja tha se humbja e koalicionit VLEN të cilin e mbështeti kryeministri Kurti dhe LVV-ja nuk është për tu shqetësuar pasi që zgjedhje do të ketë edhe në muajin maj dhe se sipas tij koalicioni VLEN mori një numër të madh votash. Ndërsa për ndërhyrjen e LVV-së në Maqedoni, Muja u shpreh se ka 20 vjet që Shqipëria dhe Kosova e ka krijuar Ali Ahmetin dhe sipas tij qytetarët atje kanë nevojë për ndryshim.
“Edhe në RMV ka nevojë për ndryshime dhe reforma edhe Maqedonia ka nevojë për ta ri gjetur vetën unë e pash që një organizim tjetër fitoj votat por edhe VLEN mori një numër votash, në anën tjetër nuk do të thosha se ka fituar Ali Ahmeti sepse në tiketë ishte Bujar Osmani dhe zgjedhje do të ketë edhe në maj dhe në bazë të asaj që po shihet dy blloqet shqiptare janë në garë të barabartë. Nëse flasim për ndërhyrje në zgjedhje Shqipëria dhe Kosova tash e 20 vjet e krijuan Ali Ahmetin dhe nëse pak ua prek pushtetin këta thonë ja po ndërhynë, po ndërhyrja që 20 vjet atje nuk qenka ndërhyrja, kjo është pra tash shoqëria atje është në kërkim të ndryshimeve”, ta Muja. /RTV21
