Në “Pressing”, të T7, të martën është duke u diskutuar për procesin e anëtarësimit të Kosovës në Këshillin e Evropës, ku në fazën vendimtare tashmë kusht është që Qeveria ta votojë draftin e Asociacionit të komunave me shumicë serbe dhe ta dërgojë në Gjykatën Kushtetuese.
Enver Hoxhaj, deputet i Partisë Demokratike të Kosovës (PDK), ka thënë se nëse dështon anëtarësimi i Kosovës në Këshillin e Evropës atëherë do të ishte dështim i madh.
Ai thotë se kjo do të nënkuptonte edhe atë që “Qeveria e ka bërë pazarin keq”.
Pasi ai thotë se është dashur të insistohej në anëtarësim në NATO.
“Nëse humb kjo mundësi e anëtarësimit të Kosovës në Këshill të Evropës është një dështim i madh, me bindjen time të plot pazarin e kanë bërë keq. Kanë mundur të insistojnë që Asociacioni të ndërlidhet me NATO’n. Këto dy vitet e fundit janë frymë e NATO’s, frymë e sigurisë”, ka deklaruar Hoxhaj.
