Ushtarët italianë të Komandës Rajonale Perendimore të KFOR-it i kanë dhuruan komplete futbolli ekipit të femrave të komunës së Deçanit, thuhet në një njoftim për media të kësaj komande.
“Dhurimi i pajisjeve dhe veshjeve sportive për femrat buron nga bashkëpunimi i vazhdueshëm dhe proaktiv i celulës CIMIC të RC-W dhe është pjesë e projekteve të KFOR-it me qëllim të mbështetjes dhe promovimit të barazisë gjinore dhe krijimit të një mjedisi gjithëpërfshirës duke eliminuar pabarazinë në sport”, thuhet, ndër të tjera, në njoftim.
