Bundesliga e ka zbuluar ekipin sezonit 2023-24,ska si të mungojë Xhaka

by engel

Ka pasur thashetheme dhe rrjedhje të shumta rreth “Ekipit të Sezonit” të Bundesligës brenda komunitetit EA FC 24 gjatë javëve të fundit. Që dje gjithçka është bërë e ditur, EA e ka zbuluar sekretin.

Tifozët patën mundësinë të votojnë për “Ekipin e Sezonit” deri më 22 Prill për të zgjedhur ekipin më të mirë të sezonit 2023/24. Ky ekip përbëhet nga një portier, katër mbrojtës, tre mesfushorë dhe tre sulmues. Votat e tifozëve peshohen me 40 për qind. Kjo plotësohet me 30 për qind secila nga klubet dhe ekspertët. Votimi është organizuar në bashkëpunim mes DFL/Bundesligës dhe EA FC 24.

banner

Bundesliga dje ka zbuluar ekipin më të mirë për sezonin 2023/24. Formacioni i më të mirëve padyshim se dominohet nga Bayer Leverkuseni, skuadër që po kalon sezon të jashtëzakonshëm në të gjitha garat. Në këtë formacion nuk ka se si të mungojë Granit Xhaka, i cili pa asnjë dyshim është më i miri në pozitën e tij në Bundesliga.

Xhaka me Leverkusenin fitoi titullin e parë dhe historik të kampionit në Gjermani, teksa tani po synohet triumfi në Kupën e Gjermanisë dhe Ligën e Evropës.

Përveç tij, pjesë e formacionit të më të mirëve nga Bayer Leverkuseni janë edhe Florian Wirtz, Jonathan Tah, Jeremie Frimpong, Alejandro Grimaldo dhe Victor Boniface.

Bayern Munichi përfaqësohet në këtë formacion me Harry Kane dhe Jamal Musiala, teksa nga Suttgarti janë Waldemar Anton dhe Serhou Guirassy.

Portieri i Borussia Dortmundit, Gregor Kobel, zuri vend gjithashtu në formacionin e më të mirëve të sezonit në Bundesliga./fcbinside.com

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy