Jurgen Klopp heq dilemat dhe mbyll debatin lidhur incidentin e pakëndshëm që përfshinte veten dhe Mohamed Salah në barazimin 2-2 me West Ham United në stadiumin e Londrës më 27 prill. Dy pikët e humbura rezultuan të kushtueshme lidhur me synimin e Liverpool-it për titull. Reds tani do të përpiqen të rikthehen kundër Tottenham Hotspur të dielën. Spurs kthehen të luajnë pas humbjes 2-0 ndaj Chelsea të enjten.
Jurgen Klopp thotë se nuk ka “asnjë problem” mes tij dhe Mohamed Salah dhe këmbëngul se mosmarrëveshja e tyre është zgjidhur. Gjermani u pyet në lidhje me debatin mes dyshes në barazimin 2-2 të Liverpool me ëest Ham United, ku erdhi deri në situatën ku Salah duhej të ndahej nga menaxheri i tij nga shoku i skuadrës Darëin Nunez.
Klopp hedh poshtë çdo sugjerim për një përçarje me lojtarin, përpara ndeshjes ku Reds përgatiten të përballen me Tottenham Hotspur në Premier League në Anfield të dielën.
“Nuk ka asnjë problem. Ne jemi absolutisht mirë me atë situatë. Jo, nuk është asnjë lloj storie” tha Klopp në konferencën e tij për shtyp para ndeshjes.
“Mendoj se ne kemi të drejtë të merremi me këto gjëra krejtësisht të pavarura pavarësisht e i duken gjërat nga jashtë.
“Nëse nuk do ta njihnim njëri-tjetrin për kaq gjatë, nuk jam i sigurt se si do të merreshim me këtë, por ne njihemi për kaq gjatë dhe e respektojmë njëri-tjetrin aq shumë sa nuk ka asnjë problem.
“Situata më e mirë do të ishte nëse të gjithë janë në vendin më të mirë, nëse ne fitojmë ndeshjet dhe shënojmë shumë gola atëherë po, situata ndoshta nuk do të ishte e tillë sepse Mo nuk do të kishte qenë në stol në radhë të pare, gjithçka varet nga njëri-tjetri.”
Liverpooli tani është jo favorit në garën për titull në Premier League dhe duket se ka më shumë gjasa të përfundojë i treti në tabelë, gjë që do të vulosë një rikthim në Ligën e Kampionëve të UEFA-s për sezonin e ardhshëm – një arritje që Klopp beson se nuk mund të anashkalohet.
“Pas sezonit të kaluar ne sot flasim tre ndeshje para përfundimit të sezonit për kualifikimin në Ligën e Kampionëve, që është një arritje”, shtoi ai.
“Ja, kështu ndryshojnë perspektivat gjatë sezonit sepse për një kohë dukej se mund të shkonim deri në fund dhe të qëndronim më gjatë në garë [titullit]. Kjo nuk funksionoi, por është ende ndoshta vendi i tretë në ligë pas dy skuadrave që kanë bërë shumë mirë.
“Unë e di se matematikisht ka ende një shans.”
Klopp zbuloi gjithashtu se Diogo Jota nuk ka marrë pjesë në stërvitjen e ekipit këtë javë, por Conor Bradley është rikthyer. Ndërkohë, ai shpjegoi se “do të duhet të shohin” disponueshmërinë e Virgil van Dijk për të dielën./Eurosport
