Sistemet ruse të mbrojtjes ajrore shkatërruan katër raketa me rreze të gjatë ATACMS, të cilat Ukraina i kishte pranuar nga Shtetet e Bashkuara të Amerikës dhe u lëshuan nga Kievi në gadishullin e Krimesë, njoftoi Ministria ruse e Mbrojtjes të shtunën në mëngjes, transmeton Hina.
Forca dhe dëmet e sulmit Ukrainas në Krime, të cilin Moska e aneksoi ilegalisht në vitin 2014, nuk dihet ende. Kievi nuk ka komentuar ende publikisht mbi pretendimet e Rusisë.
Rusia, e cila pushtoi Ukrainën më shumë se dy vjet më parë, shpesh publikon vetëm sukseset e supozuara të mbrojtjes ajrore në rast të sulmeve me raketa ose dron të Ukrainës.
Të martën e kaluar, Ukraina sulmoi ushtrinë ruse në Krime me raketa që mori së fundmi nga SHBA.
SHBA njoftoi vendosjen e raketave ATACMS
Mediat e pavarura raportuan për sulme në tre baza ushtarake në Krime, të cilat çuan në disa viktima.
Javët e fundit, Uashingtoni ka njoftuar se, si pjesë e një pakete të re ndihme ushtarake, do të dërgojë në Ukrainë raketa ATACMS, të cilat kanë një rreze edhe më të madhe. Gama e raketave të dërguara deri më tani ishte e kufizuar në 165 kilometra.
Krimea është një bastion kyç për forcat ruse e cila shërben si tranzit për kalimin e ushtarëve, armëve dhe municioneve nëpër gadishullin e Detit të Zi.
Presidenti ukrainas Volodymyr Zelenskiy është zotuar të kthejë të gjithë territorin që Rusia ka kapur, përfshirë Krimenë./Al Jazeera Balkans
