Kryetari i OBRM-PDUKM-së Hristijan Mickoski, në konferencë për shtyp pas publikimit të rezultateve të para, ka thënë se “populli nuk lejoi që individët të krijojnë kriza”.
Ai gjithashtu tha se “është koha që LSDM dhe BDI të shkojnë në opozitë”,
“Ia dolëm! Maqedonia fitoi! Një fitore historike e popullit. Humbi bojkoti i BDI-së! Populli ka treguar se nuk do të lejojë që individët të krijojnë kriza dhe të mbrojnë veten përmes institucioneve. Është koha që BDI së bashku me LSDM-në të shkojnë në opozitë”.
“Nuk do t’ju zhgënjejmë, rezultatet e punës sonë do të shfaqen në 100 ditët e para të qeverisjes”, tha Mickoski.
Ndryshe, sipas rezultateve të para partia e Mickoskit do të ketë 59 mandate në Kuvend, ndërsa Mickoski tashmë ka paralajmëruar formimin e Qeverisë me Koalicionin VLEN
