Pas deklaratës së Ministers për Punë të Jashtme të Kosovës, znj.Donika Gërvalla Schwarz, se Kosova ka shënuar një rritje 50% të Bruto Produktit Vendor në tri vitete fundit, ka reaguar deputetja e LDK-së znj. Hykmete Bajrami duke e kritikuar znj. Gërvalla.
Në një postim në rrjetet sociale ajo i ka renditur disa kritika për të demantuar ministren Gërvalla për pretendimet e saja për rritjen ekonomike të Kosovës.
“Bajrami ka shkruar: S’mbulohën dështimet në politikën e jashtme me të pavërteta për ekonominë e Kosovës. Asnjë njohje prej se kanë ardhur në pushtet. Asnjë anëtarësim në organizata ndërkombëtare. Ndërkohë, kryediplomatja del e flet të pavërteta për “lulëzimin ekonomik” të Kosovës”.
Kryediplomatja me zero suksese gjatë gjithë mandatit paska thënë që ” kemi rritje të GDP-së për 50%, kjo i bien sikur me pas thanë “në tri vitet e fundit kemi siguru njohjet nga 5 vendet e BE-së që nuk e njohin Kosovën”
Duhet t’ia kujtoj edhe një herë disa të dhëna ministres së Punëve të Jashtme që viziton herë pas here disa kryetarë të komunave nëpër Kosovë:
❌qe 3 vjet janë nënshkru 890 kontrata me negocim/korrupcion,
❌qe 3 vjet çmimet e produkteve bazë janë rritë 50%,
❌qe 3 vjet askush, amo askush nuk është punësu pa lidhje familjare e partiake ,
❌qe 3 vjet deficiti tregtar ka arrit në 5 miliardë euro,
❌qe 3 vjet ka ikje masive të qytetarëve nga Kosova,
❌qe 3 vjet Martin Berishaj qëndron në pozitën e ambasadorit, pavarësisht skandalit me blerjen e energjisë elektrike,
E kur jemi të rritja ekonomike po ta ilustroj me një grafikon të Agjencisë së Statistikave të Kosovës, agjenci kjo që operon në kuadër të Zyrës së Kryeministrit.
