Joselu ishte heroi i Real Madridit të mërkurën në ndeshjen gjysmëfinale ndaj Bayern Munichut.
Ai u inkuadrua vonë në lojë kur Real Madridi po mposhtej 0:1 dhe shënoi dy gola për ta kualifikuar ekipin e tij në finalen e Ligës së Kampionëve
Ka qarkulluar shumë nëpër rrjete sociale fotoja e tij e para dy viteve në Paris në përkrahje të “Los Blancos”.
Ndërsa, në vitin 2012, Joselu kishte shkruar në Twitterin e tij personal duke kërkuar një link për ta përcjellur një ndeshje të Real Madridit.
“A mund të më japë dikush një link të mirë për të parë Madridin?”, kishte pyetur ndjekësit e tij Joselu më 23 gusht të vitit 2012.
Alguien me puede dar un link bueno para ver el madrid?
— Joselu Mato (@JoseluMato9) August 23, 2012
Joselu erdhi si zëvendësim i vonë i Benzemas i cili shkoi në Arabinë Saudite te Al Ittihad.
Spanjolli erdhi nga ekipi i kategorisë së dytë, Espanyol dhe ka qenë një xhoker i suksesshëm për Ancelottin
