Nico Williams është dëshira kryesore e Barcelonës për ta përforcuar repartin ofensivë për sezonin e ri.
Sulmuesi spanjoll pëlqehet shumë te gjiganti katalunas, megjithatë për të ardhur deri te ai së pari duhet të shitet ndonjë nga emrat e mëdhenj
Mundo Deportivo ka raportuar se për të arritur te Nico Williams, Barcelona është gati ta sakrifikojë sulmuesin brazilian Raphinha
Anësori pëlqehet shumë nga skuadrat angleze si Chelsea, Arsenal, Liverpool, Tottenham Hotspur dhe Newcastle United dhe rikthimi i tij në Ligën Premier duket mëse i mundshëm në afatin kalimtar veror.
Katalunasit po shpresojnë që nga shitja e yllit brazilian të fitojnë një shumë rreth 70 milionë euro.
Nga ana tjetër me shitjen e mundshme të Raphinhas, Barcelona pritet që t’i investojë 50 milionë euro për transferimin e Nico Williams
21-vjeçari këtë edicion ka shkëlqyer me fanellën e Athletic Bilbaos ku në 34 ndeshje zyrtare ka shënuar shtatë gola dhe ka asistuar në 16 të tjerë
