Kancelari i Gjermanisë, Olaf Scholz ka biseduar sot në telefon me presidentin serb, Aleksandar Vuçiq.
Zëdhënësi i qeverisë federale, Steffen Hebestreit, tha se Scholz ia ka sqaruar Vuçiqit “angazhimet e Serbisë për zbatimin e Marrëveshjes së Ohrit”.
“Kancelari theksoi rëndësinë e dialogut të ndërmjetësuar nga BE-ja ndërmjet Kosovës dhe Serbisë dhe ritheksoi mbështetjen e vazhdueshme të Gjermanisë për të. Ai gjithashtu sqaroi angazhimet e Serbisë për zbatimin e Marrëveshjes së Ohrit”, deklaroi Hebestreit
Ai tha se kancelari gjerman dhe presidenti serb “ranë dakord ta vazhdojnë shkëmbimin e tyre të hapur dhe të qëndrojnë në kontakt”.
Scholz dhe Vuçiq njoftohet se “shkëmbyen mendime për statusin e marrëdhënieve dypalëshe dhe nënvizuan interesin e tyre të përbashkët për bashkëpunim konstruktiv dhe të orientuar drejt rezultateve”.
Vuçiq tha paraprakisht se ka biseduar me Scholzin lidhur me situatën e serbëve që jetojnë në Kosovë dhe për çështjen e Asociacionit të komunave me shumicë serbe
