Serbia po vazhdon të ulet në dy karrige. Atë të BE-së dhe po e mban mirë në anën tjetër me Rusinë. Këtë e dëshmon takimi që Aleksandar Vuçiq pati sot në Beograd me ambasadorin e Rusisë, Aleksandar Bocan-Harchenko.
Vuciq raportohet se i është ankuar ambasadorit rus për rezolutën e Srebrenicës dhe për serbët e Kosovës, për të cilët pretendon se po kalojnë nëpër një periudhë të vështirë jetese.
Vuçiq tha se ruajtja e stabilitetit në rajon është me interes jetik për Serbinë dhe vuri në dukje se, siç thekson ai, “lëvizjet dhe iniciativat arbitrare të Prishtinës, siç është draft-rezoluta e Asamblesë së Përgjithshme të OKB-së për Srebrenicën, në asnjë mënyrë nuk kontribuojnë në procesin e pajtimit, duke ndërtuar besim dhe bashkëpunim në rajon.”
Vuçiq ka shkruar në llogarinë e tij në Instagram se në bisedë ka përsëritur mirënjohjen e tij për Federatën Ruse për qëndrimin e saj të vendosur në lidhje me integritetin territorial të Serbisë, si dhe për respektimin e sovranitetit në lidhje me politikën e pavarur dhe rrugën unike që ka zgjedhur Serbia.
“Ajo rrugë nuk është e lehtë, por ne po llogarisim në mbështetjen e plotë të të gjithë miqve të sinqertë të Serbisë në të”, tha Vuçiq.
Ai tha se në bisedë është folur për periudhën e vështirë me të cilën po përballet Serbia, për luftën diplomatike në disa fronte dhe për sfidat serioze me të cilat ballafaqohet populli serb në Kosovë, por edhe në rrethinë
