Institucionet e Republikës së Kosovës gjatë kësaj jave nuk i kanë dhënë leje patriarkut serb Porfirije që të futet në territorin e Republikës së Kosovës. Lidhur me këtë vendim të Kosovës për të mos lejuar drejtuesin e Kishës Ortodokse serbe që të futet në Kosovë kanë reaguar edhe QUINT dhe Zyra e BE-së, duke thënë se është në kundërshtim me Pakon e Ahtisarit dhe marrëveshjet e Brukselit.
Lidhur me këtë ka reaguar edhe Agim Musliu që drejton institutin “Octopus”, duke shpërndarë një fjalim që Porfirije e ka mbajtur dy javë më parë, e në të cilin flet për Kosovën, duke iu referuar si “djepi dhe shtëpia e jonë”.
Musliu shkruan se fjalimi i Porfirije është i mbushur me “gjuhë të urrejtjes” dhe “dezinformata”.
“Gjuhë e urrejtjes nga Porfirije patriarkut të Kishës Ortodokse Serbe, i cili dezinformon kundër Republikës së Kosovës, dhe e quan atë “Serbia e Vjetër”. Vendet perëndimore kanë reaguar dje për ndalimin e hyrjes së tij në Kosovë”, ka shkruar Musliu.
https://twitter.com/agim_musliu/status/1790748985591812208?ref_src=twsrc%5Etfw%7Ctwcamp%5Etweetembed%7Ctwterm%5E1790744685608095878%7Ctwgr%5E8e82a07e653b19c7408ba3fefa2c7b2952f1e536%7Ctwcon%5Es1_&ref_url=https%3A%2F%2Fwww.gazetaexpress.com%2Fndalimi-i-porfirije-musliu-publikon-nje-video-te-patriarkut-serb-perdori-gjuhe-te-urrejtjes-dhe-dezinformoi-per-kosoven%2F
