Misioni i NATO-s në Kosovë, KFOR, ka pritur ambasadorët dhe shefat e misioneve nga të 28 vendet aleate dhe partnere që kontribuojnë me trupa në KFOR për të ndarë pikëpamjet mbi “përpjekjet e vazhdueshme drejt sigurisë së qëndrueshme në Kosovë”.
Siç njofton KFOR në një komunikatë për media, diskutimi u fokusua në një sërë temash, duke përfshirë, ndër të tjera, aktivitetet aktuale të KFOR-it, bash
Komandanti i KFOR-it, Özkan Ulutas, tha se patën një tubim “shumë produktiv, i cili rikonfirmoi përkushtimin tonë të gjatë dhe kolektiv për sigurinë për të mirën e të gjitha komuniteteve që jetojnë në Kosovë dhe për stabilitetin rajonal”, tha gjenerali komandant i KFOR-it.
KFOR-i përsëriti se qëndron plotësisht i përkushtuar për të zbatuar mandatin e tij – bazuar në Rezolutën 1244 të Këshillit të Sigurimit të Kombeve të Bashkuara të vitit 1999 – për të siguruar një mjedis të sigurt dhe të qetë për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme.
këpunimin e KFOR-it me komunitetin më të gjerë ndërkombëtar dhe perspektivat dhe sfidat për stabilitetin rajonal.
