Departamenti Amerikan i Shtetit ka njoftuar zyrtarisht në faqën e tij për vizitën e Nënsekretares për Diplomaci, Liz Allen, në Kosovë, konkretisht për takimin që ajo pati me presidenten Vjosa Osmani. DASH thekson rëndësinë e koordinimit mes dy vendeve për rrugën drejt integrimit Europian të Kosovës, të drejtat e pakicave dhe lirinë e medias.
Nënsekretarja për Diplomaci Publike, Liz Allen, ka takuar sot presidenten e Kosovës Vjosa Osmani-Sadriu në Prishtinë, Kosovë. Nënsekretarja dhe presidentja diskutuan për prioritetin strategjik për avancimin e Kosovës në rrugën e saj drejt integrimeve evropiane dhe euroatlantike dhe rëndësinë e koordinimit të ngushtë për arritjen e këtij qëllimi. Nënsekretarja theksoi përfitimet e integrimit ekonomik rajonal dhe rëndësinë e vlerave evropiane dhe transatlantike si të drejtat e pakicave dhe liria e medias, shkruan DASH,
“Të dyja nënshkruan gjithashtu një memorandum mirëkuptimi për të forcuar bashkëpunimin midis Shteteve të Bashkuara dhe Kosovës për të luftuar manipulimin e informacionit nga shteti i huaj. Kosova është vendi i pesëmbëdhjetë në Evropë, Afrikë, Azinë Lindore dhe Amerikën e Veriut që mbështet SHBA-në kundër Manipulimit të Informacionit të Shtetit të Huaj.
Këto vende janë bashkuar në njohjen e përbashkët se manipulimi i informacionit të shtetit të huaj, i cili përfshin dezinformimin dhe propagandën, është një kërcënim i sigurisë transnacionale që mund të krijojë ose të shfrytëzojë përçarje brenda dhe midis vendeve, të rrezikojë integritetin zgjedhor dhe të minojë besimin e publikut në qeveri. Nëpërmjet këtij, Shtetet e Bashkuara dhe Kosova synojnë të zgjerojnë shkëmbimin e informacionit, të ndërtojnë kapacitete për programim kritik kundër dezinformimit dhe të harmonizojnë politikat e qeverisë rreth pesë fushave kyçe të veprimit të përcaktuara në Kornizë. Ky bashkëpunim i zgjeruar dypalësh ndërmjet Shteteve të Bashkuara dhe Kosovës për të luftuar manipulimin e informacionit nga shtetet e huaja, avancon interesin e përbashkët të dy vendeve për të siguruar një ekosistemin global të informacionit të lirë, të hapur dhe të bazuar në fakte”, thuhet tutje në njoftim
