Borrell nuk po e përfundon raportin, mund të përfshihet edhe mbyllja e bankave në veri në raport. Ky pretendim ka ndikuar që Kryeparlamentari Glauk Konjofca të reagojë dhe ta këshillojë Borrellin se si të veprojë gjatë plotësimit eventual të raportit.
Mirëpo i menjëherëshëm ka qenë reagimi i zëdhënësit të Komisionit Evropian, Peter Stano. Ai ka thënë: “BE i di detyrat e veta, përqendrohet në to dhe i kryen punët e saj. Edhe këta njerëz duhet të bëjnë të njëjtën”.
“Kur z. Borrell ta shkruajë atë raport, është mirë ta shkruajë se bankat serbe ilegale u mbyllen sepse ishin të tilla d.m.th të shkruajë kështu që ishin ilegale”.
Kështu kërkoi i kryeparlamentari, Glauk Konjufca, shefit të diplomacisë së BE-së, Joseph Borrell, në lidhje me raportin për heqjen eventuale të masave ndëshkuese.
Kësaj i është përgjigjur zëdhënësi i BE-së, Peter Stano, i cili ka thënë se nuk komenton deklarimet e rastësishme të zyrtarëve të ndryshëm shtetëror.
“Nuk komentojmë deklarata të rastësishme të zyrtarëve të ndryshëm shtetëror. BE i di detyrat e veta, përqendrohet në to dhe i kryen punët e saj. Edhe këta njerëz duhet të bëjnë të njëjtën”, ka thënë Stano për “KosovoOnline”.
