Interi e mbylli kampionatin në vend të parë, pra fitoi titull, por dështoi në Kupën e Italisë dhe në Champions League.
Por titulli e mban Simone Inzagin në pozita të forta në krye të skuadrës.
Megjithatë, specialistë të ndryshëm mendojnë se Inzagi ka plot dështime në drejtimin e Interit, e një prej tyre është dhe ish-lojtari i Milanit e shumë skuadrave, Antonio Kasano.
Ky i fundit, po konfirmohet si një “vullkan” edhe në analizë.
Në pritje të transmetimit të ri “Viva el Futbol”, i cili do të transmetohet duke filluar nga data 19 gusht 2024, për të paktën dy episode në javë, ish-sulmuesi i Romës, Milanit, Interit e Realit të Madridit (sa për të përmendur klubet më të mëdha), është rikthyer për të analizuar temat e nxehta të Serisë A.
Pas përfundimit të formatit në “Bobo TV”, kanal i Kristian Vierit, Kasano foli në “Fiera del Calcio” përkrah Lele Adanit dhe Nikola Ventolas.
Ndër temat e trajtuara, titulli i Interit, numër 20, që vlen ylli i dytë.
Pavarësisht triumfit në kampionat, Kasano nuk i kurseu kritikat ndaj trajnerit Simone Inzagi.
“Unë do ta ndryshoja atë tani. Nëse shikoj rrugën e Inzagit, ai i nisi shumë mirë tre muajt e parë tek Interi dhe thashë se ishte prej asaj që kishte trashëguar nga Konte. Më pas, e bëri katastrofë. Shumë më i fortë se një ekip i Milanit në vendin e katërt dhe humbi titullit. Ai kishte një skuadër të bujshme. Më pas erdhi një pikë ku ata donin ta largonin: Marota kishte folur me Konten, ishte objektivi i tij i parë. Pastaj, nga shkurti e tutje, ai fiton disa ndeshje dhe kishte fatin të triumfonte kundër Portos dhe më pas shkon në finale. Me Porton nuk e meritonte, me Milanin dhe Benfikën ishte më i fortë dhe e meritonte. Pastaj shkon në finale. Inzagi nuk është një trajner stratosferik siç e tregojnë ata: fitoi këtë vit, por humbi dy kampionate. Është shumë më pak se sa duhet të kishte bërë. Ai nuk ka fituar një kampionat, ai ka humbur dy. E pamë me Atletikon: Interi mori avantazhin dhe luajti për të mos pësuar gola, u eliminua me meritë. Nuk ka evolucion pozitiv: vitin e ardhshëm ekipi do të jetë akoma më i fortë. Nëse ai fiton kampionate të tjera, problemi do të jetë gjithmonë se ai humbi dy kundër skuadrave shumë inferiore. Pioli bëri një punë stratosferike dhe masakrohet, Spaleti luan një sport tjetër. Do ta largoja menjëherë. Dua ta shoh skuadrën time të dominojë në Itali dhe Evropë, duhet të jetë spektakolare dhe të fitojë, të luajë futboll modern. Nuk më pëlqen mënyra se si luan Inzagi. A dominonte ai në Itali? Por me 20 lojtarë të tillë, çfarë mund të bësh tjetër?”, nënvizoi Kasano.
Gjithsesi, Inzagi vijon të jetë në krye të pankinës së Interit.
