Sipas njoftimit të Doganës thuhet se njësitë e doganës duke u bazuar në profilin e analizës së riskut kanë selektuar për kontroll të detajuar një dërgesë, e cila ka rezultuar me gjetjen e mallrave të padeklaruara, raporton informim.net.
Po ashtu bëhet e ditur se gjatë kontrollit të dërgesës zyrtarët kanë hasur në mallra të padeklaruara si: pjesë për automjete, ambalazhe nga PVC për paketim, çaj për dobësim, mallra me marka të mbrojtura, e të tjera.
“Me këtë rast është shkaktuar kundërvajtje doganore në bazë të Kodit Doganor dhe të Akcizës së Kosovës (KDAK), si dhe është ngritur kundërvajtje doganore për mos deklarim të saktë të mallrave, gjithashtu rasti është proceduar tutje me rastin e shkeljes se Ligjit per masat doganore per mbrojtën e të drejtës për pronësi intelektuale”, thuhet në njoftim.
