Këtë të shtunë, Thibaut Courtois fitoi Ligën e Kampionëve për herë të dytë në karrierë.
Portieri belg është kthyer në maksimumin e tij pas problemeve fizike, por nuk do të luajë në Euro 2024 me Djajtë e Kuq.
Babai i tij, Thierry, tregon pak më shumë për të ardhmen e Thibaut ne lidhje me përzgjedhjen.
Titullar dhe vendimtar në finalen e Ligës së Kampionëve, Thibaut Courtois edhe një herë dëshmoi se ishte kthyer në maksimumin e tij pas dy dëmtimeve që e mbajtën larg fushës për një pjesë të madhe të sezonit. Portieri belg fitoi trofeun për herë të dytë në karrierën e tij, një paraqitje të cilën deri atëherë nuk e kishte arritur kurrë një lojtar belg.
Megjithatë, e ardhmja e “El Muro” me kombëtaren është ende e pasigurt. Marrëdhënia mes Thibaut Courtois dhe Domenico Tedesco nuk është ideale, por sot mësuam se te dy gjetën kohë për të biseduar.
“Shumë gjëra janë thënë nga konsulentët dhe gazetarët. (…) Ai sapo po kthehet nga lëndimi. Është e rëndësishme që Thibaut të pushojë para sezonit të ardhshëm, dhe pastaj do të shohim se çfarë do të ndodhë në të ardhmen. Shpresoj që tensionet ende mund të zgjidhen”, tha Thierry Courtois.
Thibaut Courtois shijon fitoren e Champions League me kënaqësi personale: “Jam i lumtur me këtë”.
Në vazhdim të intervistës, babai i portierit madrilen ka folur për sezonin e vështirë të djalit të tij. “Ai ka punuar shumë për një vit të tërë për të qenë këtu dhe është shpërblyer për këtë. Ai arriti në kohën e duhur. Tani është gati. Thibaut u rikthye më i fortë nga dëmtimi i tij, si në aspektin fizik ashtu edhe në vetëbesim”, tha Thierry Courtois pak para ndeshjes.
Dhe djali i tij nuk e zhgenjeu. Belgu nuk ka pësuar ende asnjë gol që nga rikthimi në fushë. /Informim/
