Giorgio Scalvini është larguar i dëmtuar me lot në sy nga fusha e lojës në pjesën e dytë të ndeshjes së fundit të Serie A mes Atalanta-s dhe Fiorentinës, e cila u mbyll 2-3 për miqtë.
Ky dëmtim, shkalla e të cilit ende nuk dihet, vjen më pak se dy javë nga ndeshja e parë në Europian mes Italisë dhe Shqipërisë.
20-vjeçari e la fushën e lojës në minutën e 84 për shkak të një dëmtimi në gju.
Me siguri te trajneri i Italisë, Spalleti tashmë kanë nisur “dhimbjet e kokës” pasi pak ditë më parë humbi Europianit për shkak dëmtimi edhe mbrojtësi i Interit, Acerbi.
Ndërkohë, Gjimshiti, kapiteni i Kombëtares shqiptare është aktivizuar vetëm 15 minuta në këtë ndeshje dhe tashmë do t’i bashkohet kombëtares së drejtuar nga Sylvinho, që të hënë do të luajë miqësoren ndaj Lihtenshtejnit.
