Ministria e Drejtësisë ka njoftuar se janë finalizuar tri marrëveshje për bashkëpunim juridik mes Republikës së Kosovës dhe Mbretërisë së Suedisë. Bëhet fjalë për Marrëveshjen për ndihmë të ndërsjellë juridike në çështje penale; Marrëveshjen për transferim të personave të dënuar; si dhe Marrëveshjen për ekstradim, raporton Express.
Në njoftimin e Ministrisë thuhet se në muajt e ardhshëm ministrat e dy vendeve do të vendosin firmën e tyre në të tri marrëveshjet.
“Marrëveshjet përveçse do t’i shërbejnë forcimit të mëtejmë të bashkëpunimit ndërmjet dy vendeve dhe lehtësimit të procedurës ligjore në fushën e ndihmës juridike, ato gjithashtu ndihmojnë dhe rrisin rezultatet e luftës ndaj krimit transnacional dhe forcojnë subjektivitetin shtetëror të Republikës së Kosovës”, thuhet në njoftim
