Në Gjirokastër, si shkak i temperaturave të nxehta të motit kanë nisur të shfaqen zjarret e para të verës në sipërfaqet e kullotave
Sipas burimeve për Euronews Albania, bëhet me dije se rreth orës 18.45 të së dielës, në vendin e quajtur “Dushk”, që ndodhet midis qytetit të Gjirokastrës dhe fshatit Lazarat, ka rënë zjarr në një sipërfaqe kullote
Si shkak i terrenit të thatë zjarri rrezikonte të përhapej në një sipërfaqe të gjerë. Menjëherë në vendngjarje ka mbërritur një automjet zjarrfikës dhe grupi i efektivëve.
Për shkak të zonës malore ku ndodhej kullota e përfshirë nga zjarri është ndërhyrë me mjete rrethanore për izolimin e zjarrit dhe më pas shuarjen e plotë të tij. Zjarri shkaktoi djegien e një sipërfaqe kullote malore.
Në këto ditë me temperatura të nxehta, zjarrfikësit në Gjirokastër apelojnë për parandalimin e zjarreve të verës në pyje e kullota
