Klubi i Biznesit të Kosovës përmes një njoftimi për media kanë bërë të ditur për një takim që kanë pasur sot me Zyrën e Çështjeve Komerciale dhe të Biznesit në Departamentin e Shtetit.
Në komunikatë thuhet se janë fokusuar në forcimin e lidhjeve ekonomike në mes të Kosovës dhe SHBA-së, duke eksploruar mundësitë për rritjen e tregtisë dhe investimeve,
“Diskutimet tona theksuan rëndësinë e krijimit të partneriteteve që shfrytëzojnë fuqitë e të dyja ekonomive tona. Ne eksploruam rrugët për bashkëpunim në sektorë të ndryshëm”, thuhet në njoftim.
“Ky takim nënvizoi rolin kritik të mbështetjes së SHBA-së në nxitjen e rritjes ekonomike dhe inovacionit në Kosovë. Jemi të entuziazmuar për potencialin e ndërmarrjeve dhe investimeve të reja të përbashkëta që do të sjellin përfitime për të dy vendet tona.Një falënderim i madh për Zyrën e Çështjeve Komerciale dhe të Biznesit për mbështetjen dhe përkushtimin e tyre të vazhdueshëm për përmirësimin e marrëdhënieve ekonomike SHBA-Kosovë.Së bashku, mund të arrijmë gjëra të mëdha!”, përfundon njofitmi.
