Në përmbylljen e “Javës së Lëvizjes”, kryetari i Kuvendit njëherit nënkryetar i Levizjes Vetëvendosje, Glauk Konjufca, tha se partia e tij i qëndroi popullit pranë dhe “populli nuk i braktisi kurrë”.
Ai uroi të gjithë pjësëmarrësit për 19-vjetorin e themelimit të Lëvizjes Vetëvendosje, si dhe në drejtim të popullit tha:
“Popullit i qëndruam pranë dhe nuk na braktisi kurrë…Qofshim bashkë edhe drejt horizonteve të reja”, tha Konjufca, .
“Populli e kupton shumë mirë gjuhën e LVV-së e na kupton shumë mire neve sepse ne kemi lindur nga gjiri i saj”, u shpreh ai.
Tutje, Konjufca falënderoi aktivistët e LVV-së dhe tha se aktivistët nuk kursyen as jetën e tyre.
“Aktivistët që dhanë gjithçka si Arbnori e Astriti, Arben Xheladini e Mon Balaj”, u shpreh ai.
Si figurë frymëzuese për Lëvizjen Vetëvendosje e përmendi veprimtarin Ukshin Hotin.
Ai citoi edhe deklaratën politike të Ukshin Hotit dhënë para gjyqit të Serbisë.
“Populli shqiptar duhet të bashkohet, këtë e dinë të gjithë dhe askush nuk e konteston. E ka një gjuhë, kulturë e histori…”, citoi Konjufca Hotin ndër të tjera.
Ai bëri thirrje për “përgjegjësinë që e ka Serbia të drejtpërdrejtë për zhdukjen me dhunë të Uskhin Hotit nga burgu të cilin vetë e menaxhonte, ashtu siç bëjmë thirrje për drejtësi, e drejtësia të vijë më në fund edhe për gjenocidin që e kemi përjetuar nga Serbia”, tha Konjufca.
