Paralajmërimi i ministrit për Komunitete dhe Kthim në Qeverinë e Kosovës, Nenad Rashiq, se është i gatshëm të përfshihet në hartimin e statutit të Asociacionit është “mashtrimi më i thjesht i Albin Kurtit”, ka thënë drejtori i zyrës për propagandë kundër Kosovës, e ashtuquajtura zyre serbe për Kosovën, Petar Petkoviq dhe ka shtuar se “as Kurti dhe as serbët e tij të përshtatshëm nuk janë as të aftë dhe as të autorizuar që të merren me krijimin e një dokumenti që është me rëndësi jetike për “popullit serb” në Kosovë”.
Në një deklaratë, Petkoviq ka theksuar se “ministri antiserb Nenad Rashiq nuk përfaqëson askënd tjetër përveç shefit të tij, Albin Kurti, dhe ai bën gjithçka në dëm të “popullit serb” në Kosovë dhe për këtë arsye ai ka nuk ka kapacitete morale apo intelektuale për të marrë pjesë në hartimin e statutit asociacionit“.
“Ky është truku më i thjesht i Albin Kurtit, i cili disa herë ka pranuar me vendosmëri se nuk dëshiron të formojë Asociacionin dhe tani po e shtyn ministrin e tij të përshtatshëm Rashiq që gjoja të shkruajë një lloj Statuti në emër të komunitetit serb për të hedhë hi në sytë e komunitetit ndërkombëtar, por mashtrimet e tij askush nuk i ha”, ka pretenduar Petkoviq.
Ai shtoi se “meqenëse Rashiq disa herë u tall publikisht me Asociacionin dhe ka sugjeruar që në vend të kësaj të formohej “një shoqatë e xhivxhanëve” ai dhe shefi i tij Kurti, së bashku me Radoica Radomiroviqin e tyre, mund të jenë përgjegjës vetëm për zogj, nëse i duan edhe ata, ndërsa kujdesi për serbët udhëhiqet nga ata që me të vërtetë kujdesen për popullin serb, të udhëhequr nga presidenti ynë Aleksandar Vuçiq, nuk harron Petkoviq detyrën e tij parësor të poltronizimit ndaj liderit të tij suprem.
Sipas fjalëve të tij, “as Kurti, i cili persekuton dhe terrorizon serbët çdo ditë, as serbët e tij të përshtatshëm, të cilët u incizuan duke marrë drogë dhe duke djegur veturat e popullit serb, nuk janë as të aftë dhe as të autorizuar të merren me krijimin e një dokumenti që ka rëndësi jetike për mbijetesën e “popullit serb” në Kosovë”.
“Shfaqje të tilla ndoshta mund të pranohen nga ata që janë konsumatorë të resurseve që përdorin Radomiroviqi dhe serbë të tjerë të përshtatshëm të Kurtit, dhe lind pyetja nën çfarë apo nën ndikimin e kujt Rashiq bëri deklaratën se është i gatshëm të përfshihet në shkrimin e dokumentit ombrellë për formimi i Asociacionit”, përfundon kumtesa se kësaj zyreje
