Menaxheri i Khvicha Kvaratskhelia ka thënë se klienti i tij dëshiron të largohet nga Napolit këtë verë, por klubi dhe trajneri, Antonio Conte dëshirojnë ta mbajnë gjeorgjianin në ekip, dhe tashmë e kanë refuzuar edhe një ofertë prej 100 milionë nga PSG.
“Sky Sport Italia” raporton lajmet më të reja rreth situatë së Kvaratskhelias në Napoli, pasi menaxheri i tij shprehu dëshirën për t’u larguar nga klubi italian,
Megjithatë, dy palët ende nuk kanë arritur marrëveshje, kështu që paga e lojtarit mbetet edhe për pak kohë tek 1.2 milionë euro për sezon.
Kjo e ka rritur frustrimin e Kvaratskhelias, veçanërisht pasi disa klube nga Europa janë gati t’i ofrojnë atij pagë më të lartë.
Gjiganti i Ligue 1, PSG janë në “pole-position” për nënshkrimin e tij, mirëpo, sipas “Sky”, Napoli veçse ka refuzuar ofertën e parë, që shkonte deri në 100 milionë euro.
Gazetari Manuele Baiocchini raportoi të dielën mbrëma se drejtorët e Napolit mendojnë se ekipi përfaqësues i Kvaras nuk mund të kërkojë largimin, pasi lojtari është nën kontratë me ta deri në vitin 2027.
Klubi italian do të vazhdojë punën në vazhdimin e kontratës së Kvarastkhelias, dhe nuk do ta vendosin në treg të transferimeve.
Trajneri i ri, Antonio Conte po ashtu e sheh si pjesë kyçe të projektit të tij me Napolin
