Ministri Hekuran Murati ka shkruar në profilin e tij në facebook dhe ka njftuar se këtë muaj përfundon pilot projekti për subvencionimin e faturave të energjisë elektrike për familjet e cenueshme dhe ato me të ardhura të ulëta. Ai ka shkruar se nga ky projekt është arritur të mësohet se për dizajnimin e paketave tjera të ndihmës të cilat do të programohen për të ardhmen duke përmendur riaktivizimin e subvencioneve në sezonën e dimrit.
Për 6 muaj me radhë, kemi mbështetur mbi 61 mijë familje të cenueshme, pa të ardhura ose me të ardhura të ulëta, duke ua subvencionuar faturat e energjisë elektrike. Familjet përfituese, edhe këtë muaj do të pranojnë subvencionimin direkt në faturë të energjisë elektrike.
Faza e pilotimit përmbyllet me ekzekutimin e këstit të 6-të të subvencionimit, për secilën nga familjet e cenueshme. Mësimet e informatat që kemi mbledhur përgjatë pilotimit 6-mujor do të përdoren që të dizajnojmë masën e rregullt të mbështetjes së familjeve të cenueshme, e cila pritet të ri-aktivizohet në stinën e dimrit.
Masa e pilotimit ka qenë e mbështetur financiarisht nga Pakoja Energjetike e Bashkimit Evropian, në kuadër të mbështetjes së shteteve të Ballkanit Perëndimor për tejkalimin e krizës energjetike.
