Një shi i rrëmbyeshëm ka përfshirë qytetin e Pejës gjatë orëve të mbrëmjes, duke shkaktuar përmbytje të në disa zona.
Reshjet intensive kanë shkaktuar rritjen e nivelit të ujit në lumë dhe kanalizimet e qytetit.
Sipas raportimeve nga terreni, rrugët kryesore dhe disa lagje janë përmbytur, duke vështirësuar qarkullimin e automjeteve dhe këmbësorëve.
Banorët janë këshilluar të shmangin lëvizjet e panevojshme dhe të qëndrojnë të sigurt deri në përmirësimin e situatës.
Autoritetet lokale kanë mobilizuar ekipet e emergjencës të ofruar ndihmë të menjëhershme për të prekurit.
Gjithashtu, janë ndërmarrë masa për të ndihmuar në pastrimin e rrugëve dhe kanalizimeve për të parandaluar përkeqësimin e mëtejshëm të situatës.
Megjithatë kryetari i Komunës së Pejës Gazmend Muhaxheri, në një deklarim për “RADIO 1” ka deklaruar se situata është në kontroll.
“Deri pas orës 22:00, pra raportet e fundit, të gjitha tregojnë se situata është menaxhuar. Reshjet kanë qenë të dendura, mirëpo të menaxhueshme. Qytetarët i ftojmë për kujdes dhe ne mbetemi në gatishmëri”, deklaroi Muhaxheri.
Ndryshe edhe Policia Rajonale e Pejës, Zjarrefikësat dhe Ekipet Emergjente kanë dalur në vendet e krizës për të sanuar problemet nga reshjet.
