Grupi E i Euro 2024 është më intriguesi për sa u përket kombinimeve të rezultateve.
Janë katër ekipe me nga tri pikë dhe në ndeshjet e raundit të tretë, që nisin në orën 18:00, gjithçka është e hapur.
Sllovakia është aktualisht e treta dhe duhet të fitojë kundër Rumanisë për të garantuar vendin e dytë, megjithëse një barazim do ta rendiste mes ekipeve të treta më të mira.
Ukraina, nga ana tjetër, renditet e fundit falë golaverazhit më të dobët, çka do të thotë se vetëm fitorja e ngjit të paktën në vendin e dytë.
Barazimi do ta kualifikonte si një mes vendeve të treta më të mira, nëse ndeshja mes Sllovakisë dhe Rumanisë nuk përfundon pa fitues.
