Ish-kapiteni i Kombëtares së Shqipërisë, Mërgim Mavraj në një postim në Instagram ka bërë dallimin mes Euro 2016 dhe Euro 2024.
Mavraj bëri një krahasim interesant duke përmendur tifozen e “çmendur” të Shqipërisë, Rike Roçi, e cila kishte marrë vëmendje të madhe gjatë Evropianit të mbajtur në Francë.
“Dallimi mes Euro 2016 dhe Euro 2024! Atëherë ne e kishim Riken”, ka shkruar Mavraj në rrjetet sociale.
38-vjeçari ishte pensionuar nga futbolli aktiv gjatë vitit 2022 sa ishte pjesë e klubit gjerman, Greuther Furth.
Me Kombëtaren e Shqipërisë, Mërgim Mavraj kishte zhvilluar më shumë se 50 paraqitje dhe kishte shënuar tre gola.
