Një nga politikanet më me ndikim në Maldive është arrestuar për ‘kryerjen e një magjie të zezë’ ndaj presidentit.
Fathimath Shamnaz Ali Saleem, Ministre për mjedisin, ndryshimet klimatike dhe energjinë, u arrestua të dielën së bashku me dy të tjerë në kryeqytetin Male.
Sipas mediave lokale, ajo kreu një ritual magjik kundër liderit të republikës Mohamed Muizzu, i cili mori postin në nëntor 2023. Ajo është lënë në paraburgim për një javë në pritje të hetimeve, por policia nuk konfirmoi asnjë raport për ‘magji të zezë’.
Mësohet se oficerët bastisën shtëpinë e Shamnazit dhe konfiskuan sende që sipas burimeve mund të ishin përdorur për një ritual. Kokosit përdoren shpesh në rituale dhe mbishkruhen me magji, por është e paqartë se çfarë është marrë nga rezidenca. Pozicioni ministror i Shamnaz është një nga më të rëndësishmit në kabinet, pasi Maldivet janë në vijën e parë të katastrofës klimatike.
Ekspertët e mjedisit të OKB-së kanë paralajmëruar se rritja e deteve mund ta bëjë vendin praktikisht të pabanueshëm deri në fund të shekullit. Magjia e zezë, e njohur si ‘fandita’ ose ‘sihuru’, është një besim i përhapur në Maldive, pavarësisht se konsiderohet një vepër e rëndë sipas ligjit islamik, e cila mbart një dënim me gjashtë muaj burg.
