Holandës i është dhënë një avantazh i hershëm përpara përballjes së saj gjysmëfinale të Euro 2024 me Anglinë pasi thuhet se kanë marrë gjysmën e biletave për tribunën e famshme të “murit të verdhë” në Westfalenstadion të Borussia Dortmund.
Tribuna me kapacitet 25,000 ulësesh ka dëshmuar të jetë frikësuese për lojtarët kundërshtarë gjatë viteve pasi tifozët e Dortmundit zakonisht kanë krijuar një atmosferë drithëruese
Dhe tifozëve holandezë do t’u jepet mundësia të bëjnë të njëjtën gjë me ngjyrat e tyre portokalli pasi UEFA vendosi të mos ndajë asnjë nga biletat direkt në Angli
Sipas The Times, gjysma tjetër e biletave në tribunë janë nxjerrë në shitje të përgjithshme nga organizatorët e turneut, që do të thotë se disa tifozë të Anglisë mund ta gjejnë veten të ulur atje.
Por, nuk do të ketë tifozë shumë të organizuar në tribunë dhe mbështetësit holandezë do të jenë në gjendje të krijojnë një skenë me ngjyra të ndezura dhe tinguj shurdhues për t’u mbledhur pas ekipit të tyre.
Tifozët holandezë kanë qenë dominues gjatë Euro 2024 dhe kanë bërë emër duke kërcyer nëpër rrugët e Gjermanisë ndërsa kryejnë ritualin e tyre ‘links rechts’ ose ‘djathtas majtas’
