Një stuhi breshëri me kokrra akulli në disa raste sa një kokërr arre dhe madje sa topat e bilardos, goditi mbrëmë Milanon.
Fenomeni atmosferik, i cili zgjati disa minuta, krijoi frikë për forcën me të cilën ra breshri në çati, në xhamat e makinave dhe dritare.
Njerëzit u përpoqën të strehoheshin nën tenda dhe ballkone, apo në zonat e servisit të makinave. Shqetësime të veçanta kanë ndodhur në zonën e San Siros, ku po zhvillohej një koncert Stray Kids, me rrëmujë mes mijëra të rinjve që prisnin, por pa lëndime.
“Kishte kokrra sa topat e bilardos”, shpjegon një dëshmitar.
Thyerja e një tubi uji është regjistruar në qendër, në një pikë ngjitur me Teatro alla Scala. Zjarrfikësit dhe teknikët e ujësjellësit kanë ndërhyrë për të rregulluar rrjedhjen, e cila ka derdhur më shumë ujë në trotuar dhe rrugë të cilat ishin pjesërisht të përmbytura nga stuhia.
Lumenjtë Seveso dhe Lambro janë nën monitorim, por jo në gjendje emergjente. Zjarrfikësit kryen rreth njëzet ndërhyrje serioze në zonën veriperëndimore të Milanos, dhe veçanërisht në Cornaredo dhe Bareggio, ku ranë disa degë dhe gjithashtu disa pemë që dëmtuan makinat e parkuara.
