Në “Pressing” të T7, të hënën, po diskutohet për atentatin ndaj ish-presidentit amerikan Donald Trump, më 13 korrik, ku ai shpëtoi duke marrë një lëndim të lehtë.
Ngjarja është komentuar në të gjithë botën, përfshirë edhe në Kosovë.
Bernard Nikaj ka thënë se kjo ngjarje mund ta ndryshojë rrjedhën e fushatës në SHBA për zgjedhjet presidenciale që mbahen këtë vit.
Ai ka thënë se në SHBA po shpeshtohen pamjet e dhunës.
Ka shtuar më tutje se bota po përballet me sfida të reja, duke thënë se fotografia e Trump-it pas atentatit mund ta ndryshojë historinë.
“Bota po përballet me disa sfida të reja, si lufta në Ukrainë, kriza në Lindjen e Mesme, etj. Të gjitha këto e bëjnë edhe më të arsyeshëm pohimin që kjo fotografi mund ta ndryshojë historinë,” ka thënë ai
