Alvaro Morata mund të bëhet qendërsulmuesi i ri i Milanit këtë javë, por synimi i klubit kuqezi është që të tentojë edhe një tjetër goditje në sulm. Zgjedhja tjetër është Niclas Füllkrug.
Kontaktet me agjentët e sulmuesit të Gjermanisë kanë qenë pozitive, duke çuar në njëfarë progresi në negociata.
Transferimi i Guirassy në Dortmund do t’i marrë hapësirë lojtarit gjerman dhe ajo që dukej si një negociatë e vështirë, po merr konture gjithnjë e më interesante me kalimin e ditëve.
Drejtuesit e Milanit kanë kontaktuar sërish me sulmuesin e Borussia Dortmund, duke konfirmuar interesimin e tyre për të bërë marrëveshjen.
Füllkrug është profili i preferuar në idetë e klubit kuqezi, por jo i vetmi. Tammy Abraham, që duket se do të largohet nga Roma, është një tjetër profil i vlerësuar me kujdes, ashtu si ai i Jhon Duran i Aston Villa. Kolumbiani i lindur në vitin 2003 ishte protagonist në Copa America dhe është jashtë planeve taktike të Unai Emery. Vlerësohet rreth 20 milionë euro.
