Mes ironise, sarkazmes dhe realitetit, nje eurodeputete kërkoi që në sallë të vinte një prift për të shenjtëruar Parlamentin Evropian dhe për ta pastruar atë nga “djajtë”.
Diana Șoșoacă, kryetarja e partisë rumune SOS Romania, u zgjodh kohët e fundit në mandatin e saj të parë si eurodeputete.
Një ish-anëtare e dhomës së lartë të vendit të saj, ajo fitoi famë në Rumani për qëndrimet e saj kundër emigracionit.
“Ashtu si në parlamentin rumun, këtu djajtë takohen”, u tha Șoșoacă gazetarëve këtë javë.
“Do të sjell një prift për të shenjtëruar kudo që të mundem. Është e drejta ime për fenë, për të shprehur besimin tim fetar”, tha ajo.
Șoșoacă, e cila veshi kostumin popullor tradicional rumun në ditën e saj të parë në Parlament, shtoi se ajo solli mirrë, një rrëshirë aromatike dhe ikonën e Shën Paraskevisë në godinë dhe “qëndrimi i të gjithëve ndryshoi menjëherë”.
