76 
Për të dielën parashikohet të mbajë mot kryesisht me diell në pjesën e parë të ditës, ndërsa nga mesdita si dhe gjatë orëve të pasditës, në gjysmën e sipërme (veriore) të Kosovës, pritet kohë pas kohe të ketë rrebeshe lokale shiu e shkarkesa rrufesh, duke mos përjashtuar mundësinë edhe për breshër të vogël.
Gjasat për ndonjë rrebesh të izoluar nuk përjashtohen as në ndonjë rajon në gjysmën e poshtme (jugore) të Kosovës.
Sipas Meteo Kosova ,era do fryjë nga perëndimi dhe jugperëndimi, e cila kohë pas kohe pritet të jetë mjaft e fuqishme, me shpejtësi prej 13-50 km/h.
Temperaturat minimale do të lëvizin prej 17 deri në 19°C, ndërsa ato maksimale prej 31 deri në 35°C.
